SUPERBALITA CEBU

Lonzon: Maestra sa Boljoon gipatay

Mata sa agila

GRABE, gipatay ang usa ka babaye nga si Joy Verana Mequizo nga usa ka magtutudlo sa day care center sa Lungsod sa Boljoon.

Usa ka mamumuno ang nisud sa payag sa magtutudlo ug gitigbas kini og 16 ka higayon.

Wala kay kaluoy. Murag nag-ihaw ka og mananap pinaagi sa pagtagudtagod ni Joy nga way ikasukol ug usa ka babaye.

Kon nakabasa ka karon niining akong gisuwat, palihug sa pag-surrender sa kapulisan o bisan kinsa nga imong kasaligan.

Tingali og moabot sa punto nga dunay kamandoan nga shoot to kill batok nimo.

Niduol kanako ang pamilya sa biktima kay nangayo og pakitabang sa brutal nga krimen.

Palihug kon si kinsa man ang adunay kasayuran sa killer sa pag-report sa kapulisan.

Samtang gikondinar ni Boljoon Cebu Mayor Merlou Derama ang linuog nga krimen.

Iyang giawhag ang killer sa pag-surrender. Gimando sa kapulisan sa pagsulbad sa krimen sa labing panahon.

SAKTO SI LABELLA

Matod ni Cebu City Mayor Edgardo Labella, naa sa iyang hunahuna di siya mosugot mobalik sa general community quarantine (GCQ ) ang siyudad.

Mibalik naman gud paglihok ang ekonomiya ug daghan na ang nakabalik sa ilang trabaho ubos sa modified general community quarantine ( MGCQ).

Niining pagsaka pagbalik sa kaso sa Covid-19, ang pagpabadlong sa katawhan ang angayang basulon.

Naningkamot si Labella pagkunhod sa kaso sa Covid-19. Gihimo ang tanan pinaagi sa pag-awhag sa pagsunod sa standard sa health protocol.

PINAMUNGAHAN

Para nako, wa magpauwahi ang liderato ni Mayor Glenn Baricuatro kon kalamboan sa Lungsod sa Pinamungahan ang atong hisgutan.

Sa interview sa Agila gipahibawo ni Baricuatro ang pag-aprobar sa P212 milyunes kapin nga annual budget alang sa tuig 2021.

Naglakip na niini ang salaries and wages, infrastructure, sports facilities, financial assistance to persons in distress and crisis situation.

Apil na niini ang health and sanitation, risk reduction ug para sa agriculture. (Email: efrenlonzon71@gmail.com / Text: 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph