Si Bise Mayor Michael Rama ang unang magpabakuna batok sa Covid-19 sa higayon nga available na kini sa Cebu City.
Kini aron pagdasig sa katawhan nga dili angayang mahadlok.
Gikuhaan og base ni Rama ang survey sa Pulse Asia diin sa Visayas adunay 88 porsento ang adunay concern kalabot niini, samtang 55 porsento ang dili uyon magpabakuna.
“To help alleviate these fears and help us overcome this pandemic, I am informing all of you that I am volunteering to submit myself for vaccination, granted that the vaccine shall be approved by the Food and Drugs Administration and the Department of Health,” matod ni Rama.
Ang Cebu City Government adunay P400 milyones nga giandam sama sa gibuhat sa ubang mga local government unit (LGU) para pagpalit og vaccine.
Samtang ang Talisay City mogahin og P40 milyones nga budget alang sa pagpamalit og anti-Covid vaccine.
Si Talisay City Mayor Gerald Anthony Gullas nagkanayon nga aduna nay mga kompaniya nga iyang gisabot alang sa pag-supply sa vaccine.
Matod niya, nagnihit ang supply tungod sa kataas sa demand.
Sa higayon nga available na ang maong mga bakuna hatagan og priority ang frontliners. (PAC, BBT)