BALHOG sa Toril Police Station ang tulo ka mga lalaki diin usa kanila seaman atol sa buy-bust operation sa kapulisan, adlaw'ng Martes, Enero 12.
Sa selda ang napadulngan sa duha ka lalaki human sila madakpi kinsa gipang-ila nga sila Arden Bascones alyas Ilong, 22 anyos, taga Daliao, ug Kenneth Lobregas, alyas Keken, 23 anyos nga taga Barangay Maa.
Sila nakuhaan og mga pakite sa gituohang shabu lakip na cellphone nga gigamit sa ilang transaksiyon sa pagpamaligya og druga sa nagtakuban nga pulis.
Wa sab kasalir ang pagsud na unta sa lodging inn sa usa ka nagpailang seaman dihang nakapkapan nga naa siya'y dala nga gidiling druga.
Depensa sa dinakpan gagamit lamang siya ug wa gyud miabot sa punto nga mobaligya siya.
Mga ebidensiya gihan-ay na sa kapulisan alang sa pagpasaka og kaso kanila didto sa korte. (JPC)