SUPERBALITA CEBU

Walter Betito Gimilagrohan sa Senyor Sto. Niño

VIVA PIT SENYOR: Si Walter Betito atol sa misa sa novena sa kapistahan sa Basilica sa wa pa ni gikanselar tungod sa pandemya. / TAMPO

Ang kadaugan wala magbase sa pisikal nga hiyas kundi sa atong pagsalig ug paghigugma sa balaang batang si Senyor Sto. Niño.

Mao ni kon ilarawan sa multi-awarded Cebuano choreographer kining iyang ikaduhang kinabuhi karon ug kalampusan sa pagsayaw sa Sinulog.

Si Walter Betito nagtuo niadto nga di na magdugay ang iyang kinabuhi tungod sa nagkadaiyang balatian nga nitakboy sa iyang kalawasan. Una siyang na-diagnosed pag-2003 og “aosteomilitis,” usa ka matang sa sakit sa bukog hinungdan nga giputol ang tuo niya nga bitiis. Na-diagnosed usab siya og “cholestetuma” pag-2009 diin dunay nakit-ang bukol sa iyang tuong dunggan hinungdan nga gitangtang ang iyang eardrum.

“I was also diagnosed with Torteous Aeorta, fatty liver, malfunctioning of my kidney, prostate stage-1 cancer, Type-B diabetes, high cholesterol and high blood. Then, in January 2017 I had another operation due to a congenital hernia,” kumpisal sa 58-anyos sa interbyu sa Superbalita Cebu.

Apan bisan sa iyang pagka-PWD (person with disability) ug pagkamasakiton dakong milagro nga padayon siyang miani og mga pasidungog sa Sinulog diin ang pinakauwahi niyang natabangan ang Municipality of Asturias nga nagkampyon sa unang higayon sa 2016 Sinulog sa Kabataan sa Lalawigan ug dayon isip 3rd placer nianang pagkasunod tuig.

“Sa wala pa ko nag-teach sa Abellana National School (ANS) daghan na kaayo kong napadaug sukad pa niadtong 90s halos kada tuig akoy mo-champion. Akoy No. 2 sa una sa Power of 10 or Sinulog’s foremost choreographers,” dugang niya.

Pipila sa mga nagkampyon ubos sa iyang liderato mao ang Lumad sa PLDT Free Interpretation (1999), Tribu Sinanduloy of Tangub City Free Interpretation (2000), Mga Magbabaol for Abellana National School Sinulog sa Kabataan (2000), Tribu Sinanduloy of Tangob City Free Interpretation (2001), Pinamungajan Sinulog sa Kabataan sa Lalawigan (2002), Sinulog sa Kabataan Dakbayan sa Sugbo (2007) ug sagunson usab nga nagkampyon ang iyang mga dancer sa Abellana National School gikan 2010 hangtod 2014.

Dili lang sa Sinulog kundi bisan sa ubang bangga sama sa Milo Cheerdance Finals (2004) ug Alay Lakad Dance Meet cheerdance competition (2005) siya ang naghari. Dako usab og natampo si Betito sa cultural performances sa ASEAN Summit sa Mandaue City niadtong 2007.

Dihang ni-perform ang dance troupe sa Abellana sa Taiwan isip official representative sa Pilipinas sa 2018 Children Folkdance Dance Exchange siya usab ang artistic director.

Si Betito 20 ka tuig nang nag-alagad isip MAPEH teacher (Music, Arts, Physical Education and Health) sa Abellana National School ug isip choreographer- artistic director sa ANS Dance Troupe ug isip Cultural Coordinator sa DepEd Cebu City North District 2. Duna usab siyay wellness business nga mao ang Intra Food Supplement nga giisip niyang laing gasa gikan sa kahitas-an.

Gipamatud-an ni Betito nga walay imposible basta molihok lang ug mosalig sa kabubut-on sa Dios kay Siya man ang tag-iya niining tanan.

Sama sa ubang mga deboto wala say palta si Betito sa misa nobenaryo sa kapistahan bitbit ang imahe isip halad pasalamat bisan niadtong wala pa gikanselar sa Basilica ang public masses tungod sa pandemya. Walter Betito, Ssssuper Ka! Pit Senyor!

Kumusta imong health karon?

Maayo na kaayo. Blessing in disguise nga human ko gioperahan sa hernia dunay nagdala aning miracle food supplement, ang Intra Lifestyles. Pinangga jud ko ni Senyor Sto. Niño. He gave me this perfect platform so I would be able to continue my life’s journey. This is the reason why I’m so passionate in sharing and posting this in FB `cuz I know I can work well with God’s mercy. Hope maka-inspire ko sa uban nga same usab nako og situation.

Unsa diay ning Intra Lifestyles?

Intra Lifestyles is a food supplement with 23 botanical extract that can fight all health challenges such as cancer, tumors, heart problems, hypertension, diabetis, stroke, kidney problems, Lupus and a lot more. It’s made from Canada and is being distributed worldwide. Sa una two to three times ko ma-admit sa usa katuig. Pero sukad ko niinom ani for three years now no more hospitalization. No more synthetic meds. One may visit myintrasite.com/walterbetito for those interested about this product.

Asa sad ka mokuha og ideas sa imong choreo?

I can say all these were simply products of my imagination. It’s a masterpiece of God’s gift to me. Why? Because during my time in early `90s there were still no internet and YouTube at all, where we can get ideas. Dili pa sad uso ang PA, staff ug wala pay microphone magamit mao nga magkapagaw-pagaw gyud ka. But I have no regrets because that’s how I was molded into one of the finest choreographers. Hahahaha I love my own kaayo but it’s true. Although elementary pa lang hilig na gyud ko mosayaw. From high school to college I was a dance troupe member. But first love nako ang volleyball. I was a varsity player and captain ball sa USPF (University of Southern Philippines Foundation). Pag college nako sa Cebu Central Colleges which is now known as University of Cebu, where I studied BS-HRM, apil sad ko sa dance troupe and also sa Southwestern University, where I finished my BS-PE. Mao nga confident ko mo-choreo tungod sa akong experiences. My first break was during my stint with Mandaue Dance Company. Nakalarga sad kog Japan as choreographer. All glory be to God because without him I’m nothing. I’m one of Sto. Niño’s living testaments kon unsa siya ka milagroso. Mao nga di gyud ta magpakawa og paglaum bisan unsa pa kadako sa atong problema, bisan pila pa na ka Covid diha laban lang. Pit Senyor!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!