SUPERBALITA CEBU

Variant sa Covid nia na sa nasod

Hulagway gikan sa Pixabay

GIKOMPIRMAR sa Department of Health (DOH) nga nakasulod na sa nasod ang mananakod kaayo nga variant sa Sars-CoV-2, kagaw nga nagdala sa coronavirus disease (Covid-19).

Matod sa opisyal nga pamahayag sa DOH, ang usa ka Pinoy nga nibiyahe gikan sa Dubai, United Arab Emirates (UAE) nga niabot sa nasod niadtong Enero 7, 2021, positibo sa genome sequencing results.

Ang lalakeng pasyente nga taga Quezon City nibiya sa nasod niadtong Disyembre 27, 2020 ug niuli sa Enero 7 luwan sa Emirates flight EK 332.

Pag-abot gi-swab dayon siya ug gi-quarantine sa usa ka hotel.

Ang positibong resulta gipagawas nianang pagka ugma ug gibalhin dayon siya sa usa ka quarantine facility sa Quezon City samtang iyang sample gipadala sa Philippine Genome Center (PGC) alang sa sequencing diin nakompirmar ang resulta.

Ang iyang babayeng partner nga kuyog sa biyahe negatibo sa test, apan gipaubos sa estriktong quarantine control ug monitoring.

Silang duha pulos way contact sa bisan unsang pasyente sa Covid-19 sa wa pa sila molarga sa abroad ug wa makabiyahe gawas sa Quezon City.

Gisubay na sa DOH ang flight manifest alang sa paspas nga contact tracing sa ilang mga kauban sa flight. (REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph