SUPERBALITA CEBU

Contact sports gidili sa Mingla

GIDILI sa lungsod sa Minglanilla ang contact sports bisan pa sa luag na nga quarantine status.

Kini maoy giklaro sa kapulisan sa Minglanilla.

Subay kini sa na obserbahan nga paglugak sa pagtuman sa mga residente sa protocol sa coronavirus disease (Covid-19).

Si Police Staff Sergeant John Ilustrisimo, tigpamaba sa Minglanilla Police Station, nagkanayon nga sa kanunay nga pag-monitor sa kapulisan sa mga barangay, aduna gihapoy mga gahi og ulo sa pagtuman sa protocol sama sa mga batan-on nga magduwa og volleyball ug basketball.

Pipila na usab ang mga na kompiska niini nga nets ug gitabunan nga basketball rings.

“Naa na gyud mi mga na-confiscate pero kasagaran warning lang kay inig makakita sila nga naa nay pulis managan naman, so mga ebidensya nalang ang among makuha,” matod ni Ilustrisimo.

Ang lungsod sa Minglanilla sakop sa probinsya sa Sugbo. Subay sa kamandoan sa Inter Agency Task Force (IATF) gi-dili gihapon ang contact sports nga magsingkiay ang mga magduduwa.

Sugyot ni Ilustrisimo nga inay mag-basketball o volleyball mag-jogging na lang o ba kaha mag-biking sanglit nalakip kini sa gitugot sa IATF ug sa kagamhanan sa probinsya sa Sugbo.

Sa nagpadayon nga pag-roving sa awtoridad sa lungsod, padayon usab kini nga nangapod og mga libreng mask sa mga residente nga wala magsul-ob.

Asoy ni Ilustrisimo nga ang maong paagi naghatag og warning ug pagpahinumdom sa mga residente nga nag atubang gihapon sa hulga sa Covid-19.

Sa uwahing datos sa Enero 12, ang Minglanilla dunay 12 ka mga aktibong kas. Niabot og 619 ang naka-recover apan 30 na ang namatay. (AVN)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph