SUPERBALITA CEBU

Way kalingawan sa pista sa Sta. Fe

GAWAS sa relihiyuson tulumanon, walay linawas nga kalihukan atol sa kapistahan sa lungsod sa Santa Fe, isla sa Bantayan sa Sugbo karong Enero 15 ug 16, alang sa Sr. Sto. NiƱo.

Kini maoy gipahibalo sa kagamhanan sa mga konstituwente subay sa padayon nga hulga sa coronavirus disease (Covid-19) sa nasud.

Si Mayor Ithamar Espinosa nagkanayon nga magpadayon ang misa sa mga simbahan sa lungsod.

Tungod niini, gihangyo sa mayor ang mga residente sa estriktong pagsubay sa health ug quarantine protocols aron malikay ang pagsulbong sa mga kaso sa Covid-19 sa lungsod.

Gipahinumdom sa kagamhanan nga dili pwede nga ma pundokpundok o mag-party tungod sa risgo sa pagtakod sa virus.

Apan, ang mga duwa ug pasundayag ipaagi online aron paghatag og igong kalingawan sa mga konstituwente nga makasinati og alegre.

Labaw sa tanan, nanghinaot ang kagamhanan sa Sta. Fe nga bisan pa man og walay pisikal nga kasaulogan, masabtan sa tanan ang tinuod nga sukaranan sa tinuig nga kasaulogan. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph