SUPERBALITA CEBU

Biktima misukol, tulisan nadakpan

WA MOLAMPOS: Si Reynaldo Dingcong, 27, taga Mambaling, Dakbayan sa Sugbo, wala molampos sa iyang pagpanulis ug nasikop. (Guam P. Logroño)

Usa ka tulisan nasikop human gisuklan sa katabang sa negosyante og bugas sa Andres Abellana, Barangay Guadalupe, Dakbayan sa Sugbo kagahapon sa udto, Enero 13, 2021.

Nasikop si Reynaldo Dingcong, 27, ex-convict ug taga Imhai, Barangay Mambaling, Dakbayan sa Sugbo.

Si Police Major Janelito Marquez, hepe sa Guadalupe Police Station nga nahinabi sa Superbalita Cebu, nagkanayon nga si Dingcong kalit nga nitunga sa tindahan og bugas.

Ang negosyante, kinsa nihangyo sa pagtago sa iyang ngan, gitionan ni Dingcong og armas. Nideklarar si Dingcong og tulis. Ang katabang sa tindahan diha sa duol ug nakamaniho sa pag-ilog sa armas nga .38 revolver.

Gikablit ni Dingcong ang armas apan wala makabuto.

Nahitabo ang karambola hangtod nasikop si Dingcong sa mga barangay tanod.

Namatikdan nga dunay kauban si Dingcong apan nakasibat sakay sa motorsiklo.

Matod ni Major Marquez, si Dingcong nakagawas sa Cebu City Jail niadtong Nobiyembre 2020 sa kasong frustrated murder.

Panawagan si Marquez niadtong mga nabiktima sa tulis sa pagsusi sa police station aron ilhon si Dingcong kon sila nabiktima niini. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph