SUPERBALITA CEBU

Road clearing sa Lapu-Lapu

Katunga o 50 porsiyento nang napatuman sa Dakbayan sa Lapu-Lapu ang read clearing operation.

Kini ang gibutyag sa pangulo sa City Traffic Management System (CTMS) sa Lapu-Lapu, Mario Napule.

Ang road clearing usa sa mga kamandoan gikan sa Department of Interior and Local Government (DILG) sa local government units (LGUs) alang sa paghawan sa karsada ug sidewalk sa tanang nakaali.

Pagpasabot ni Napule nga sa mosunod nga mga semana sa dili pa ang evaluation ug asessement sa DILG, ila nang mahuman ang nagpadayong road clearing operation.

Gawas sa national highway lakip karon sa gilimpyohan sa CTMS mao ang mga barangay road nga napuno sa gipang- parking nga sakyanan sama sa Barangay Basak ug Barangay Buaya.

Ang tanang sakyanan nga naka-park kilid sa karsada ilang ipang-clamp ug tow kung walay mga tag-iya nga moatubang kanila sa ilang nagpadayong operasyon.

Nabantayan ni Napule nga minos na ang mga nakaaling mga sakyanan sa national highway sanglit kaniadto pang walay kamandoan sa DILG sa ikaduhang hugna sa road clearing nagsige na sila og clamping ug towing operations.

“Ang kining mga barangay mao gyud ni atoang medyo problema kay daghan kaayong nag-park kompara sa national highway nato kanang circumferential road nagsige gyud ta ana ug clearing,” matod ni Napule.

Awhag lang niya sa walay kapundohan sa ilang mga sakyanan sa pagpangita og bakanteng luna alang niini sanglit wala silay gipili sa ilang operasyon.

Laing buhatan usab sa kagamhanan ang gitahasan sa paglimpyo sa mga estraktura nga nakaali usab sa mga kadalanan sama sa mga tindahan, vulcanizing, mamaligyaay ug uban pa sanglit apil usab kini sa road clearing.

“Mas maayo man sad gyud ni kay mas maayo rapud nga magamit ang atong karsada,” matod ni Napule sa pakighinabi sa Superbalita Cebu. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph