SUPERBALITA CEBU

Pagdagsa sa mga tawo sa hotels, beach resorts gibantayan

Hulagway ni Nicko D. Tubo

GIBANTAYAN karon sa lokal nga kagamhanan sa Dakbayan sa Lapu-Lapu ang posibilidad nga pagdagsa sa mga tawo ngadto sa mga hotel ug beach resorts sa siyudad karong umaabot nga Sinulog.

Kini may kalabutan sa pagkanselar sa mga kalihukan sa Sinulog ug gipanglantawan nga sa mga hotel ug kaligoanan na magselebrar ang publiko.

Nagkanayon si Mayor Junard "Ahong" Chan nga ipaundang deretso sa lokal nga kagamhanan ang mga party nga ipasiugda sa mga nagkalainlaing establisyemento sa dakbayan nga walay tukmang permit.

"They're only allowed 50 percent and of course they will ask permission before they do that so moagi gayud sila diri nato. I'm sure if they do party without any permits from the LGU, automatically i-stop nato ang maong kalihukan. Di sila maminaw, mao nang dalhon sila sa pulis," matod ni Chan.

Matod ni Chan nga aduna nay kasabutan tali sa Lapu-Lapu City Tourism, Cultural, and Historical Affairs Commission ug sa mga hotel kalabot sa mga sumbanan.

"Di kaayo kita maproblema sa hotels. Ang atong problema is kaning ma-consider nato public beaches nga open kaayo siya nga dili makontrolar sa tagiya sa maong beach para sa pagsulod sa publiko," matod ni Chan.

Gitataw ni Police Colonel Arnel Banzon, hepe sa Lapu-Lapu City Police office, nga kanunay ang ilang pagpatrolya ug inspeksiyon sa mga resort. Iya giawhag ang publiko nga dili nalang mudayon sa mga pampublikong kaligoanan kon puno na kay dili ra gihapon sila makasulod.

"Gi awhag nato ang public nga dili na mo padayon pag adto sa mga beaches kung daghan na mga tao kay harangon ra gihapon nato sila. Mo observe sila sa health protocols kay kung dili sila motuman, dakpon jud nato sila," matod bi Banzon.

Samtang si Nagiel Bañacia, pangu sa City Disaster Risk Reduction and Management Office, mipahibawo nga ang mga dili taga Lapu-Lapu ngadto lang sa mga pribadong beach makabisita.

"Non-city residents must only use private beaches... No public beach for registration and easy contact tracing reasons. Only Lapu-Lapu City residents are allowed to use public beaches like Marbeach and other beaches in Marigondon, Subabasbas, Maribago and Mactan. Cops and tanods will still be there to monitor the compliance of the executive order. Violators will be sent back home," matod ni Bañacia. (NDT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph