SUPERBALITA CEBU

Tambagi ko Noy Kulas: Ig-agaw

Dear Noy Kulas,

Nagpadala ko nimo og suwat kay naglibog na ko sa among relasyon sa akong second degree cousin. Mga duha ka tuig na ning among tago-tago nga relationship. Tagoa lang ko og Dave.

Naa na mi sa 30s, Noy, so mature na mi og huna-huna. Kining among relationship nagsugod ra ni sa komedya, apan natinuod dihang nagkuyog mi og travel nga kami rang duha sa Manila. Wa mi mag expect nga ma in love mi. Kaingon nako nga sexual desire lang ang amoa kay in a week, basta magkuyog mi, naa mahitabo. Last year lang medyo mihinay kay tungod sa quarantine.

Gusto na ko nga amo na lang ipahibawo ang among relationship bahala na og mangasuko ang among parents. Gikapoy na ko ug gusto na kong magminyo mi. Sure na ko nga wa nay laing woman sa akong life. Siya lang. Apan unsay akong buhaton nga mahadlok man siya?

DAVE

Dave,

Natural ra nang iyang fear kay babaye baya siya. Usually mahadlok gyud nga maka offend sa iyang family labina kon close ang ilang relationship kay sa atoa, wa pa na kaayo madawat ang relasyon sa mag-agaw nga dug-ol bisan kon sa balaud mahimo rang kaslon kun maisip nga legal na. Naa pa may parents nga di pa makadawat.

Ayaw siya padali dalia og hukom anang imong desisyon karon. Ipahuna-huna una niyag maayo. Hatagi siya og igong panahon nga mo sink in ang imong gi propose ngadto kaniya kay naa pa na niya ang kalibog ug kahadlok.

Sakto man ka. Naa na man ang inyong relasyon, bisan tago-tago ug sure mo sa inyong gibati, barogi na ninyo pinaagi sa pagminyo. Wa may makababag kay duna na may mga hitabo nga ingon niana.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph