Mas tugnaw nga panahon mapaabot

POSIBLENG makasinati pa og mas tugnaw nga panahon ang Sugbo karong Enero, matod sa Philippine Atmospheric, Geophysical and Astronomical Services Administration (Pagasa)-Visayas.

Nagkanayon si Pagasa-Visayas Chief Al Quiblat Jr. nga ang katugnaw nga nasinati karon nunot sa hanging Amihan nga gikan sa mainland China nga kasamtangang anaa sa winter season.

Matod ni Quiblat nga mas tugnaw ang panahon sa Enero itandi sa Disyembre.

“Ang January is the coldest month of the year in the Philippines. Kaning mga panahona magsugod kag November hangtod na ni sa February, naa na ang Amihan. Ang pinaka-peak niya is January, pinakabugnaw niya. Mao pud nay pinaka-winter didto sa mainland China,” matod ni Quiblat.

Gibutyag ni Quiblat nga niabot sa 24 degrees Celcius ang labing tugnaw nga temperatura nga natala sa Pagasa-Visayas karong Enero. Posible pa kining moubos ngadto sa 23 degrees Celcius. (NDT)


SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!