SUPERBALITA CEBU

3 ka 'karnaper' nasikop sa Pardo police, HPG 7

Number 1 ug 2 most wanted person provincial level sa Highway Patrol Group 7 (HPG) 7 nga mga kawatan og motorsiklo nadakpan sa mga sakop sa Cebu City Police Office (CCPO) pinasikad sa warrant of arrest alas 2:30 sa Huwebes sa kaadlawon, Enero 14, 2021 sa sitio Torre, Barangay Inayawan, Siyudad sa Sugbo.

Nasikop nila ni Police Major Angelo Acupinpin, hepe sa Pardo Police Station, mao sila si Cedrick Alao Jimenez, 19, ug Chuz Bonn Granada Espinosa, alyas Chuz, 19, pulos taga sityo Nazareth, Barangay Buhisan, Dalbayan sa Sugbo.

Apil usab nga nadakpan ang ilang kauban nga si Sam Gabriel Marayan, 19, taga sityo Manol, Barangay Tisa, Siyudad sa Sugbo.

Ang kapulisan sa Pardo Police Station ubos sa pagpangulo ni Acupinpin, inabagan sa HPG 7 nga gipangulohan nila ni Police Captain Mike Gingoyon ug Police Captain Silvestre Cenia, nilusad sa operasyon pinasikad sa warrant of arrest nga giluwatan ni Judge Dennis Larrobis, presiding judge sa Regional Trial Court (RTC) Branch 76 sa Siyudad sa Naga.

Nakuha sa mga pulis ang pito ka mga motorsiklo nga gituohang kinawat nga ipamaligya na unta ngadto sa ilang mga kaila ug niadtong gusto nga mopalit sa kinawat sa mas barato nga presyo.

Samtang si Gingoyon nihulagway kanila ni Jimenez ug Espinosa nga labing banggiitang mga kawatan og motorsiklo sa Sugbo bisan sa kalinghod pa sa ilang pangedaron. (PAC, AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph