SUPERBALITA CEBU

Garcia mosinulog sa Piyesta Senyor

SunStar File

BISAN sa pagkanselar sa mga kalihukan ug pasundayag sa Sinulog 2021, mopadayon pag halad og sayaw si Cebu Governor Gwendolyn Garcia atubangan sa Cebu Provincial Capitol Building atol sa kapistahan ni Sr. Santo Niño sa Enero 17, 2021.

Si Garcia nagkanayon nga bisan kon kanselado ang ritual showdown ug uban pa nga mga kalihukan sa Siyudad, iyang ihalad ang iyang sayaw sa sunod-sunod nga bendisyon nga nadawat sa 2020 ngadto sa Balaang Bata.

Usa sa gihatagan og gibug-aton ni Garcia mao ang pagka-dismiss sa duha ka mga kontrobersiyal nga kaso: Balili property ug Cebu International Convention Center (CICC).

“I feel that it is my moral duty to still give homage to the Sto. Nino who has blessed the province so much and on a personnal note he too has blessed me so much, protecting me against all false charges and accusations vindicating my name and my family’s name,” matod ni Garcia sa Enero 14.

Tungod kay anaa pa ang hulga sa coronavirus disease (Covid-19), subay sa protocol, iyang ipasalida ang mga nangaging mga performance sa gobernador nga makita online.

Apan sa uwahing bahin, usa ka live performance ang iyang himuon atubangan sa Cebu Provincial Capitol administration building.

Hinuon, gilimitahan ang mga back up dancer ngadto sa unom lang.

“...We are just following the protocols and we are just sensitive to the concerns of the general public and the City government kay ari man diri. But still dili mahimo og dili ko mosayaw kay gawas sa I always pray for the protection of the Province of Cebu this time, I really must thank the Senior Sto. Nino sa iyang pagproteher nako ug sa iyang pag-vindicate sa akong pangalan ug sa pangalan nga Garcia,”matod ni Garcia.

Si Garcia una nga nisayaw sa Sinulog sa 2005 hangtod sa kontrobersiyal niini nga pag sayaw sa 2013.

Sa iyang pag balik sa Kapitolyo sa 2020 ni-balik usab siya og sayaw kauban ang mga department head sa Kapitolyo lakip na ang tanan nga board members./ANV


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph