SUPERBALITA DAVAO

Barangay sa Bansalan gipailawom sa GCQ

b15f-bansalan

GIPAILAWOM sa Municipal Inter-agency Task Force (MIATF) ngadto sa general community quarantine (GCQ) ang Barangay Tubod sa lungsod sa Bansalan, Davao del Sur human nga daghang molupyo ang nataptan sa coronavirus disease (Covid-19) sukad sa unang semana bulan sa Enero.

Nanukad kini dihang usa ka barangay kagawad ang nagpositibo sa kagaw atol sa katapusang semana niadtong Disyembre 2020 ug namatay sa unang semana ning bulana.

Pipila sab ka opisyal ug mga personahe sa lungsod ang nahimong closed contact sa pasyente ug maoy hinungdan nga gimando ni Mayor Quilin Sarte ang pagsuspende sa trabaho sa pipila ka mga buhatan sa munisipyo.

Apan si Bise Mayor Eugene Clata nagpasalamat nga negatibo ang resulta sa iyang pagpailawom og test.

Sanglit GCQ ang lukop Barangay Tubod, hugot nga gidid-an ang mga nag-edad 18 anyos paubos ug 60 anyos pataas nga mogawas sa ilang balay.

Gipatuman sab ang 24-hours nga liquor ban ug curfew gikan alas 8 sa gabii hangtud alas 5 sa buntag ug adunay checkpoint nga gimuntar ang kapulisan aron matuman ang kamandoan.

Gumikan kay ubay-ubay ang nataptan mao nga kalit misaka ang ihap sa kagaw mao nga nahitabo ang mass testing sa Municipal Health Office.

Sa uwahing datus, mokabat na sa 138 ang kompirmadong nataptan sa Covid-19 sa lungsod, diin 33 niini ang aktibo, 102 ang nakarekober ug tulo na ang namatay.

Anaa sab sa 189 ka indibiduwal ang gipailawom sa strict home quarantine ug laing 26 ang nalistang suspek.

Gitahasan sa MIATF ang publiko nga magsul-ob og face mask, face shield ug obserbahan ang social distancing sa matag gawas sa panimalay. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph