SUPERBALITA CEBU

Covid-19 ‘mihamok’ sa NBA

Niabot na og 16 ka mga magduduwa sa National Basketball Association ang natakboyan sa Coronavirus (Covid) gikan sa 497 ka mga players gikan niadtong Enero 7, 2021.

Ang NBA wala nihingan sa mga players apan ang mga nahimong close contact niini atol sa gipahigayon nga pagduwa gipaubos na sa isolation o quarantine nga lakip sa ilang health protocol.

Gumikan niini, kapin na sa 10 ka mga duwa ang na-postpone sa NBA sukad niadtong Enero 7 sanglit ang mga team nga dili na kaabot og 8 ka active players dili na paduwaon.

Ang mga nagpositibo dili makaduwa hangtod dili mahuman ang 14 ka adlaw nga quarantine o magnegatibo ang resulta sa ipahigayon nga swab test.

Kini ang hinungdan nga gi-istrikto pa sa NBA ug NBA union labot sa ilang pagpangandam batok sa (Covid)-19 para maprotektahan ang ilang mga magduduwa para matiwas ang 2020-2021 season.

Kagahapon, Enero 14, upat ka mga duwa ang gikansela gumikan sa quarantine protocol.

Sa mosunod nga duha ka semana, ang mga players, staff magpabilin sa ilang balwarte ug gidid-an pagbiya sa ilang hotel kon sila ang manulong og duwa gawas lang kon aduna silay ipahigayon nga practice.

Ang gitugotan sa NBA Union mao lang mga kalihukan nga may labot sa ilang team didto sa ilang facility or arena ug laing essential nga kalihukan.

Ang mga magduduwa sa NBA daw wala makauyon sa estriktong regulasyon sanglit adunay mga nagyawyaw sa social media labi na ni Damian Lillard ug George Hill.

Sa wala pa usba ang ilang health protocol, ang player gidid-an lang sa pag-apil og mga party nga molapas pg 12 ka tawo nga nagtapok butang nga ilang nagustohan. / PAC


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph