SUPERBALITA CEBU

Kapitolyo di pa mogahin og pundo sa Covid vaccine

Dili una mogahin og pundo si Gob. Gwendolyn Garcia alang sa pagpalit og bakuna batok sa coronavirus disease vaccine.

“It’s premature, it’s not a race. Di man gud ni lumba kay kung kaya na nga makahuwat ta kay wa pa man sad gyud na nga vaccine,” matod ni Garcia.

Pasabot ni Garcia nga bisan pa man og mogahin siya og pundo alang sa bakuna, dili kini dayon makuha sanglit moagi pa sa daghang proseso.

Una na nga mipadayag si Garcia nga inay ipalit og bakuna ang pundo sa lalawigan, mas hatagan niini og pagtagad ang pagpalambo sa serbisyo sa mga kalungsoran ilabi ning panahon sa pandemya.

“...At this point I’d rather focus our funds on what our people really need right now to help them pick up the pieces of their lives and livelihood, to improve our infrastructure,” matod sa gobernador.

Aron malig-on ang panglawas, gipahibaw sa gobernador nga moapud-apod ang kagamhanan og mga libreng bitamina sa tanan nga barangay workers ug frontliners.

Samtang, magreserba og P200 milyones ang Dakbayan sa Mandaue aron ipalit og Covid-19 vaccine kung ugaling magkuwang ang ihatag sa nasyonal nga kagamhanan.

Matod ni Atty. John Eddu Ibañez, ang executive secretary ni Mandaue CIty Mayor Jonas Cortes, nga gipangitaan na sa budget officer sa Dakbayan aron ma-realign na ang P200 milyones nga abag sa dakbayan ngadto sa nasyonal nga gobyerno sa pagpalit og bakuna.

Sigon ni Ibañez nga mopasalig sila nga mabakunahan ang tanang lumolupyo sa dakbayan.

Apan sa inisyal nga rollout nila ang prayoridad una nila mao ang mga senior citizen, frontliners, magtutudlo, ug mga bata, matod ni Ibañez sa pakighinabi sa Superbalita Cebu. / ANV, KFD


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!