SUPERBALITA CEBU

Binghay: Pares kung makigtango

KUKABILDO

Unsa may mga timailhan kung ang imong pares wa na mahigugma nimo?

Matod sa relationship expert and couples therapist nga si Nicole McCance, dunay daghang mga timailhan kung ang imong pares wa nay gugma nimo unya nagtinga na inyong relasyon.

Una ang pagkawala sa komunikasyon. Kung kaniadto excited mong maminaw sa usag-usa bisag corny ang topic, karon bisag gamay ra ang isyu daghan na og komentaryo unya dali ng ma-irita, saputon og maglalis.

Gawas ini mas komportabli pa hinuon kining magpahungaw sa iyang mga sentiment o huna-huna ngadto sa laing tawo kaysa nimo. Ang mahitabo, magbungol na hinuon unya mopaingon sa cold war.

Sunod kining pagkawala sa panahon para ninyong duha. Kung mas daghan pa ang iyang oras itan-aw sa TV, duwa og video games, estoya sa telepono, o chat sa mga social networks kaysa mag-estorya mong duha, red flag sab kini.

Apil ini ang pagpunay og kuyog sa mga barkada o higala unya ang inyong date night na ilisan na hinuon og guys night. Pasabot nga mas malipay pa siyang makigkuyog ug enjoy sa uban kaysa nimo.

Laing dakong rason ang pagkawala sa intimasiya o loving-loving. Di lang sa pakighilawas kundi apil ang paghalok-halok, dulog inig katulog, gakos o bisag gunitay sa kamot o agbay. Molihay na o hilasan na imong pares mohalok nimo o ba kaha mosibog na palayo kung motupad ka o mas gustong matulog sa laing lawak.

Laing indikasyon ang pagkawala nimo sa iyang mga plano. Sa bag-o pa o honeymoon stage sa relasyon apil ka kanunay sa iyang mga plano sama sa pagbakasyon, pag-uban og puyo, pagplano pakasal o manganak. Kasagaran ang mahitabo di na siya excited sa inyong duhang kaugmaon kay mura ka na og gipadaplin sa iyang mga plano.

Katapusan ang pagkawala sa eye contact. Di na kini katan-aw deritso sa imong mata kay molihay naman kini panahon nga mag-abot inyong panan-aw unya mura ka og way ka estorya.

Hinumdumi, para ang relasyon molambo, kinahanglan ang managpares magtagbo sama kung mosayaw og tango.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph