Dear Noy Kulas,
Maayong adlaw. Tawga lang kog Jean. Minyo, apan nabiyuda three years ago. Naa gihapon ko gapuyo sa balay sa akong bana. In short sa akong in-laws.
Gusto unta ko nga molain na, but ang mga bata di ganahan kay mingawon sila sa ilang mga apohan. Kaya ra man nako silang buhion sa akong income kay duha ra ni sila ang akong mga anak, but sila maoy di gusto nga maglain mi.
Nagkaproblema man gud ko, Noy, kay nagkarelasyon mi sa akong brother-in-law nga wa sila makahibawo. Minyo siya but ang iyang asawa nibiya, nikuyog sa laing lalake. Way nakahibawo namo kay sekreto mi. Natural as adults, naa na kadaghan nahitabo namo but mahadlok ko kay naa sa ilang balay. Mas maayo tong naa sa laing balay. Unsa kahay maayo nakong buhaton?
JEAN
Jean,
Komplikado pud na ang imong kahimtang bisan tuod kon di kaayo law-ay paminawon kay buwag man diay na sa asawa ang imong brother-in-law ug di pa siya ang nibiya sa balay, ang asawa pa.
But bisan na, mas maayong ipahimutang ang tanan.
Una, mas maayong magpa annul sila sa kasal kon wa na siyay planong makigbalik sa iyang asawa. Ikaduha, sultihi ang imong in-laws ug imong pamilya kabahin sa inyong relasyon aron samtang sayo pa, ila nang madawat ug matabangan mong duha sa pag-andam, kon unsa man gani, sa gasto sa annulment kay mao ra nay paagi nga mahingpit ang inyong panag-uban.
Pugngi una nang inyong pagbati ning higayuna samtang wa pa masayod ang inyong isig ka pamilya kay di man angay itago ang inyong relasyon. Makasabot ra lagi na sila sa inyong sitwasyon.
NOY KULAS