Ikaduhang ‘killer’ sa seaman nadakpan

Ikaduhang suspek sa pagpatay sa usa ka seaman niadtong 2019 nadakpan human nikompyansa, naglakaw sa karsada gawas sa Taboan Public Market hinungdan nga nakit-an sa mga pulis sa Biyernes sa buntag, Enero 15, 2021.

Nakuratan ang akusadong si Niño Llatona, 36, nagpuyo sa aseras sa Barangay San Nicolas, dihang giagbayan sa mga pulis sa Sawang Calero Police Station.

Matod ni Police Major Eduard Sanchez, hepe sa Sawang Calero Police Station, dunay mga tawo nga nakaila kang Llatona nga nialerto sa mga pulis.

Si Llatona ang ikaduha nga gitumbok nga suspek sa pagpatay sa usa ka seaman sa dapit niadtong 2019.

Dugang ni Sanchez nga ila pang gisubay ang record ni Llatona tungod kay nagduda sila nga gawas sa maong seaman, posibleng duna pa kini lain nga mga napatay.

Ang kauban niini nga si Archie Panaginip una nang nadakpan ug gibilanggo sa kasong murder.

Si Judge Ricky Jones Macabaya sa branch 5, sa Regional Trial Court sa Siyudad sa Sugbo niluwat og warrant of arrest kang Llatona ug Panaginip nga way girekomendar nga piyansa. / BBT

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph