7 ka tighimo’g bakuna sa Covid gipilian sa Lapu-Lapu

Pito ka mga kompaniya nga naghimo og bakuna sa coronavirus disease (Covid-19) gikonsiderar sa lokal nga kagamhanan sa Dakbayan sa Lapu-Lapu alang sa vaccine program sa Siyudad.

Kini maoy gibutyag ni Grace Mary Carungay, city epidemiological surveillance officer sa Lapu-Lapu City, niadtong Enero 14, 2021. Pipila sa mga gikonsiderar sa Dakbayan mao ang Pfizer, Moderna, Astrazeneca, Sinovac, Sinopharm, ug laing duha pa.

Matod ni Carungay nga nagtinguha ang Lapu-Lapu nga mabakunahan ang 60 ngadto sa 70 porsiyento sa populasyon sa dakbayan.

“Kinahanglan mga 60 to 70 percent unta mabakunahan ang population. Ang atong population is more than 400,000, mga 200,000 kapin,” matod ni Carungay.

Gitahasan ni Mayor Junard Chan ang City Health Office nga andamon na ang vaccination plan diin prayoridad sa lokal nga kagamhanan ang mga frontliner, senior citizen, indigent, drayber sa pampublikong transportasyon ug mga vendor.

Nagkanayon si Chan nga di angay basta na lang dalion ang pagpili sa bakuna nga paliton sanglit matod sa mayor nga gikinahanglan affordable, epektibo, ug dali ang pamaagi sa pagtipig niini.

“No need na magdalidali ta. Kinahanglan siguro na ato gayud pagatutokan kay dili na baya ni mabawi nimo once you have already the contract unya wala diay ka kahibawo unsay epekto,” matod ni Chan. / NDT

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph