SUPERBALITA CEBU

Kadaugan sa Mactan sa module sa mga tinun-an

Ang kasaysayan sa kadaugan sa Mactan sa bayani nga si Datu Lapu Lapu batok sa mga kolonyalistang Espanyol niadtong 500 ka tuig na ang nakalabay, kabahin sa na sa module sa mga tinun-an sa elementarya sa Dakbayan sa Lapu-Lapu.

Si Cindi King-Chan, pangulo sa Lapu-Lapu City Tourism, Cultural and Historical Affairs Commission (TCHAC), nagkanayon nga katuyoan niini mao ang pag-edukar a mga tinun-an karon sa sayon nga paagi.

Hisgotan sa module ang importansya sa quincentennial celebration sa Kadaugan sa Mactan nga giaprobahan sa quincentennial committee sa kaulohan ug Department of Education ( DepEd).

“The lessons that I wish our students to learn is to have a better understanding of the different aspects of culture and heritage studies, history and tourism in our City especially that we are celebrating the 500 years of the victory in Mactan on April 27, 2021.To inculcate knowledge and to develop pride to the young Oponganons has now come into fruition,” matod ni KIng-Chan.

Enero 15, pormal nga gilusad ang Module 1 ug Module 2 alang sa social science subject sa senior high school ug Araling Panlipunan sa mga tinun-an sa elementarya.

Ang module 1 kalabot sa nasod Pilipinas panahon sa pre-colonial, colonial ug modernong panahon.

Samtang ang module 2 kalabot sa mga aktibidades, programa ug proyekto alang sa 500 ka tuig nga kasumaran sa Kadaugan sa Mactan sa Abril 27, 2021.

Gibutyag ni Marigold Cardente, division supervisor sa Deped Lapu-Lapu City Division, nga 90,000 ka mga tinun-an gikan sa 10 ka tunghaan sa senior high school ug 26 sa junior high school ang mogamit sa English version sa naasoyng module.

Dunay 44 ka mga tunghaan sa elementarya (Grade 4 to Grade 10) ang mogamit sa Filipino version sa module sa ilang Araling Panlipunan nga subject.

Ang Grade 1 hangtod Grade 3 ang mogamit sa Bisaya version sa module nga gi-translate pa sa pagkakaron sa DepEd.

“Only Lapu-Lapu City schools division is using this module,” matod ni Cardente, kinsa midugang nga ang iyang buhatan nagplano nga mo-introduce sa naasoy nga module sa DepEd Regional level ug puhon ngadto sa DepEd national level.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!