SUPERBALITA CEBU

2 ka drug pushers nadakpan sa CIB

BIGTIME? Sila si Honey Grace Diega Batad (wala) ug Abraham Hartman (tuo) gitumbok nga high value nga mga pusher sa regional level, kinsang drug supplier naa sa bilanggoan. / tampo

Duha ka high value individual regional level nga taga sitio Fatima,Barangay Apas, Siyudad sa Sugbo nasikop sa gilusad nga buy-bust sa mga sakop sa City Intelligence Unit sa Biyernes sa alas 7:45 sa gabii, Enero 15, 2021.

Ang nasikop giila nga silang Honey Grace Diega Batad, alyas Getget 24, ug Abraham Hartmann, 29, nga pulos mga lumolupyo sa maong lugar.

Nakuha sa mga pulis gikan sa duha ka suspetsadong pusher ang 115 ka gramos sa gituohang shabu nga mokantidad og P782,000.

Matod ni Police Lieutenant Colonel Randy Caballes, hepe sa City Intelligence Branch (CIB) sa CCPO nga maoy nangulo sa operation, kapin sa usa ka semana nila nga gipaubos sa surveillance ang duha.

Sa dihang nasuta ang ilang illegal nga negosyo gilusad dayon ang buy-bust. Ang target sa operation, matod ni Caballes, mao si Batad nga adunay duha ka mga hinigugma nga nalambigit sa illegal nga drugas, ang usa niini naa sa sulod sa Cebu City Jail.

Wa lang una nganli ni Caballes kinsa ang drug personality nga naa sa sulod sa bilanggoan nga mo supply ni Batad og ilegal nga drugas.

Adunay mga impormasyon nga nasagap ang kapulisan sa mga dinakpan nga maoy sunod nga target sa ilang follow-up operation. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph