SUPERBALITA CEBU

Carungay: kabanay, kauban sa trabaho ray nang-birthday

WAY nakitang dautan ang city epidemiological and surveillance unit officer sa dakbayan sa Lapu-Lapu, Grace Mary Carungay, sa mikatap nga mga hulagway sa social media kalabot sa iyang pagselebrar sa iyang birthday niadtong Enero 12, 2021.

Si Carungay, manghod ni Mayor Junard "Ahong" Chan.

Kini gumikan kay sumala pa niya wa siya mangimbitar og laing mga tawo bisag kinsa atol sa selebrasyon, gawas lang sa mga kabanay ug kauban sa trabaho nga seguradong way coronavirus disease (Covid-19).

Si Carungay niingon nga kabanay lang ang iyang bisita sa iyang habig ug habig sa iyang bana ug mga kauban niya sa contact tracing team sa Lapu-Lapu City Health Office ang nanambong, matod niya niya dihang nahinabi sa Superbalita Cebu sa Sabado, Enero 16, 2021.

Diha ra usab kini ipahigayon sa tugkaran sa iyang balay.

Gibutyag ni Carungay nga moabot sa 50 ka tawo lang ang mitambong sa selebrasyon ug gisunod usab nila ang minimum health protocol.

Kampante ra usab siya sa iyang mga kauban sanglit regular sila nga nag swab test sa kaugalingon isip mga contact tracer sa Dakbayan.

Pagpasabot niya nga usa lang kadto ka simple nga pagkaon uban ang mga suod niya sa kinabuhi gumikan kay nagsaulog siya sa iyang adlawng natawhan.

"Of course nagsunod mi sa protocol gyud pero ig mag picture-picture ug kaon kaon, ang-ang man sad pg dili namo huboon amoa facemask," pasabot ni Carungay.

Usa ka post sa Lapu-Lapu Untold Stories, gi post niini ang mga hulagway sa birthday ni Carungay nga nagpakita nga wa magsul-ob og facemask.

Ang post nakakuha og mga reaksyon sa mga netizen, sagad nanalipod.

“Ok rana oyy..Kamo sige mo panaot. Ka maayo sa mayor sa Opon. Daghan nabuhat. Kon naa man gani nadautan, kana ra nagtapok. Pero wala man kaayo Covid sa Opon...sa masuya lang sa gaddumot ni Mayor. Palaban pa mo og mga radyo reporter ug uban..pagbuhat mo inyuha,” matod sa post ni Ryan Arias.

“Ngano kaha ning mga bitter ari man sa FB magpatabang,,,adto mo sa city hall reklamo, ayaw sa FB. Mauwawan lang hinuon mog samot,” matod ni Lornz Gilbuena. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!