JoRox” ang tambalan nga usa sa atong ginuntan kaniadto mobalik og pakilig kanato pinaagi sa iWant Original series nga sugdan ugma sa inyong iWant TFC app.
“Hoy, Love You” silang Joross Gamboa ug Roxanne Guinoo balik tambalan dinhi. Una natong nasundan ang duha niadtong unang Star Circle Quest kauban silang Melissa Ricks, Joseph Bitangcol ug ang grand winner niini nga si Sandara Park.
Karon balik tambalan ang duha isip mga single parent sa maong series. Dinhi dili lang sila mopakatawa nato kon dili mopa-inspire pa sa tibuok pamilya.
Apan labaw sa tanan alang sa mga single parent para ma-ablihan ang ilang pang-lantaw para mahigugma pag-usab.
Usa ka romantic comedy ang dating niini nga makita ninyo libre sa iWant app ug uban pang Kapamilya channels online.
Makauban nila dinhi silang Keanna Reeves, Carmi Martin, Pepe Herrera, Yamyam Gucong, TJ Valderama, Brenna Garcia ug ang bag-ong loveteam nga namugna gikan sa Pinoy Big Brother house nga silang Aljon Mendoza ug Karina Bautista.
Lingawon ta nilang Joross ug Roxanne sa “Hoy, Love You” sa direksyon ni Theodore Boborol, Ay’g Saba!
* * *
Na-ukay ang netizen sa mga post ni Ruffa Guttierez sa iyang Instagram stories diin makita silang Derek Ramsay ug Ellen Adarna nga medyo sweet kaayo sa usag-usa.
Nahitabo kining mga pictures sa dihang nag-bonding ang manag-silingan kauban usab ni John Estrada.
Nahimong komedya ang panag-istorya nilang Ruffa ug Ellen sa dihang nahisgutan nila ang lalaki nga parehong na-link sa duha si John Lloyd Cruz.
Karon kang kinsa kaha mas mahimong close ug magkarelasyon ang Ellen? Kang Derek o kang John nga kauban niini sa bag-ong programa sa Singko ang “John en Ellen.”
Pero sa tinuod lang nipahibawo si Derek nga walay malisya ang nakita nato sa mga letrato.
Unsaon man gud nga nagkita silang John ug Ellen usa ka higayon ug nahibaw-an niini nga manag-silingan diay sila mao nga nag-dinner party ang actor uban usab ni Ruffa Guttierez.
Pero giklaro niini nga wala silay relasyon ni Ellen gani nahisgutan nila dinhi ang napakgang nilang proyekto niadto ang “The Escort” diin si Ellen unta ang iyang kauban dinhi.
Nahibulong lang ang Derek nganong sa bisan kinsang babaye man lang siya I-link karon, na-ikog ug na-ulaw gani siya kang Pops Fernandez ug Bea Alonzo nga gidudahan pod nga karelasyon niini.
Basta tanan puro ra pagduda ug way kamatuoran ang tanan, pero mabalik kang Ellen asa kaha dad-on ang ilang panaghigalaay? Ay’g Saba!
* * *
Natapos na lang ang “Chika Besh” nilang Pauleen Luna, Ria Atayde ug Pokwang nga wa jud tawn ko nakakita niini.
Sa akong nahibaw-an murag cartoon shows ang gipuli niini matag buntag. Sayang nga wala kini molungtad og dugay.
Mao kini usa sa mga pangutana nga angay matubag sa TV5 ang kon unsa nga programa ug formula nga magdugay ang morning show nila, Ay’g Saba!