Hapi-hapi sa pista's Niño nabitin

Hulagway iya sa Calinan Police Station
Hulagway iya sa Calinan Police Station

GIPANGANTI sa Calinan Police Station nga pasakaan og kaso ang mga indibiduwal nga nakasupak sa health protocols ug sa liquor ban sa Davao City human ilang nadakpan ang mga nangaligo sa Antipolo River, likod sa Calinan Public Cemetery, alas 11 sa buntag Dominggo, Enero 17, 2021.

Human sa sumbong nga nadawat sa kapulisan sa Calinan police nga dunay daghang nangaligo sa sapa diin wala na niini napatuman ang social distancing, wala nanggamit og face mask samtang sa wala pa nangaligo ug dunay mga nagtagay og ilimnong makahubog, gilayong mironda ang kapulisan.

Didto naabtan ang mga indibiduwal nga anaa sa moihap kapin kun kulang kuwarenta lakip mga menor de edad.

Nasayran nga matag adlaw, daghan ang nangaligo sa maong sapa apan ning adlawa mas midaghan gumikan pista sa Santo Niño.

Gisulayan og kuha ning tigsuwat ang kabahin sa Davao City Police Office sa maong hitabo, apan wala pa sila mitubag sukad sa pagsuwat ning balita Dominggo hapon.

Apan ang hepe sa Calinan police Police Major Jake Goles mipahibalo na sa pipila ka mga tigbalita labot sa ilang pagronda sa Antipolo River.

Gilayong gipanguha ang mga pangalan sa mga nahisgutan aron mapasakaan og kaso sa korte ug gipasabot sila sa mga angay nga butahon niining pandemya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph