Dear Papa Joe,
Tagoa lang ko og Mybis Liezl, 17 years ko naa na koy ka live-in nga taga Batangas City. Unya naa na miy anak duha.
Nangipon ra mi sa ilaha didto kay di man mosugot iyang parents nga mouban siya nako sa Cebu. Apan grabe ang akong kinto didto kay magkalalis lang mi duha, tabangan ko nila, sa iyang mama ug igsuon. Hangtud nga wa na ko makaagwanta, nilayas ko didto ug ania ako sa Cebu City karon. Unya may bag-ong ka relasyon na.
Karon gusto ko makakita sa akong mga anak bisan sa chat lang, apan gihikaw man nila. Wa ba diay koy katungod sa akong mga anak? Palihug tambagi ko kay gimingaw nako nila.
LIEZL
Liezl,
Maayong adlaw kanimo. Ari sa ta sa imong mga anak. Sa balaod, klaro man nga naa kay katungod bisan kuhaon pa nimo ang mga bata kay di mo kasado. Bisan di ka kabuhi, basta sa immediate family na nimo, pwede base lang sa akong nahibaw-an. Just correct me if I’m wrong sa nakabasa. Basta duol lang sa DSWD ug pangayo og tambag.
Karon di nata maghisgot sa imong pag-antos sa una kay naa naman kay bag-ong karelasyon. Angay unta magsabot mo sa imong bag-o, kon makadawat ba siya sa imong mga anak ug makabuhi ba siya sama sa iyang kaugalingong mga anak. Basta sabot lang sad mo sa imong kanhi kay luoy sad siya nga kuhaan nimo sa kalit sa mga bata.
Papa Joe
(sa inyong tampo ipadala lang sa papajoesuperb@gmail.com)