SUPERBALITA CEBU

Sinulog mingaw, malinawon

SAMA sa ubang bahin sa Metro Cebu, mingaw ug malinawon ang pagsaulog sa dakbayan sa Mandaue sa kapistahan ni Señor Santo Niño niadtong Dominggo, Enero 17, 2021.

Walay mga party o uban pang kalihokan kalabot sa pagsaulog sa Sinulog ang natala sa dakbayan sa Mandaue.

Matod ni PMaj. Zosimo Jabas, pangulo sa operations and management sa Mandaue City Police Office (MCPO), nga sa miaging tuig diin normal pa ug wala pa makasulod ang coronavirus disease (Covid-19) sa nasod, nagpahigayon pa og Traslacion ug fluvial sa imahen ni Señor Santo Niño.

Kon itandi sa miaging tuig nga liboan ang mga tawo nga mogawas aron pagsaulog sa Sinulog, karon susama nalang sa normal nga adlaw, sigon ni Jabas.

Gani, ang mga nitambong lang sa misa sa National Shrine of St. Joseph sa dakbayan sa Mandaue, usa ka gatos lang ka mga tawo.

Ang kaparian sa National Shrine of St. Joseph mosayaw sab og Sinulog matag human sa santos nga misa isip pahinungod sa kapistahan ni Señor Santo Niño.

Sa laing bahin, sigon ni Jabas nga sugod niadtong Sabado, Enero 16, gimandoan ang mga pangu sa matag police station sa dakbayan nga i-monitor ang matag barangay labi na kadtong mga kapilya nga ang patron si Señor Santo Niño.

Kini aron pagsiguro nga walay magsaulog og pista diin magtapoktapok ang mga tawo nga moresulta unya sa pagkaylap sa coronavirus disease (Covid-19).

Apan, hapon sa adlawng Dominggo, Enero 17, walay natala nga mga kapilya ang nagsaulog sa ilang kapistahan sa ilang barangay.

Sigon sab ni Jabas nga lakip sa ilang gi-monitor mao ang malls ug hotels. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph