SUPERBALITA CEBU

P23.8M building tukuron sa dunggoanan og mga pumpboat sa Marigondon

USA ka multi-purpose building alang sa mga biyahedor ang mobarog sa Barangay Marigondon, dakbayan sa Lapu-Lapu.

Niadtong Enero 12 nagpahigayon og groundbreaking sa naasoyng dapit ang kadagkuan sa Department of Public Works and Highways (DPWH) Cebu 6th Engineering Office ug Kongresista Paz Radaza.

Ang naasoyng building kabahin unya sa himuon nga pantalan ug causeway sa lugar diin sagad manukad ang mga biyahedor paingon sa isla sa Olango.

Gibutyag ni Radaza nga mokabat sa P23.8 milyunes ang gigahin nga budget alang sa nahisgotang proyekto nga gituyo aron mahatagan og kaharuhay ang mga biyahedor paingon sa isla sa Olango.

“Usa kini ang akong giha tagan og prayoridad. Ang siyudad sa Opon, aduna kitay mga island barangays nga nagpasabot nga panginahanglanon gyud ang transportasyon pandagat. Busa, usa ka panginahanglanon sab ang pantalan diri,” matod ni Radaza.

Lauman sa mga Oponganon nga usa lang unya ang naasoyng proyekto sa daghan pang ibubo sa kongresista sa dakbayan karong tuiga. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!