SUPERBALITA DAVAO

P100M igahin sa Davao del Sur pagpalit og bakuna

DAVAO DEL SUR -- Isip pagpangandam sa nasudnong suliran sa coronavirus disease (Covid-19), mogahin ang kagamhanang probinsiyal og pundo alang sa pagpamalit og bakuna niini.

Gipahibawo ni Governor Douglas Cagas sa social media nga prayoridad sa probinsiya karong tuiga ang pagpamalit og bakuna alang sa Covid-19.

"Purchase of vaccines will be the top priority of Davao del Sur provincial government for 2021. That is why we are allocating at least P100M for this purpose," pahayag sa gobernador.

Tin-aw niya nga mahimong kulangon ang pundo sa nasyonal nga gobyerno ug mahimong madugay pa una makabaton og bakuna kung maghuwat pa sa nasyonal nga kagamhanan.

Ang probinsiya aduna na'y kapin usa ka libong kaso sa Covid-19 kung diin 38 na ang namatay.

Nagpabilin sab sa modified general community quarantine apan hugot nga gipasidan-an ang publiko nga motuman sa mga standard safety protocols aron di mosamot kadaghan ang magsakit.

Nanaghap ang kagamhanang probinsiyal nga pinaagi sa bakuna nga madapat sa katawhan, mahibalik na sa normal ang ilang panginabuhi diin grabeng naapektuhan sa pandemya. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph