SUPERBALITA CEBU

Nalzaro: Duda sa bakuna

Saksi

WALAY katapusan nga debate kabahin sa Covid 19. Human sa debate kon unsay angay paliton sa kagamhanan nga vaccine batok sa Covid 19, karon gidebatihan na usab kon angay bang magpatusok o magpa-vaccine. Sigun sa survey daghan ang dili gusto gumikan sa kabalaka nga adunay side effect. Labi pa karon kay adunay 23 ka mga tiguwang sa Norway ang namatay human mabakunahan sa Pfizer-BioNtech vaccine. Adunay moingon nga andam silang magpa-vaccine pero dili sila gusto sa gikan sa China.

Matod pa sa usa ka expert nga ang confidence level sa vaccine miubos gumikan kay dili konbinsido ang uban gumikan sa nahitabo sa anti-dengue vaccine nga daghan ang nangamatay gumikan sa Dengvaxia. Dinhi na mosulod ang media alang sa information campaign. Pero ang maayong endorser aning vaccination mao mismo si Presidente Rodrigo Duterte. Siya maoy unang magpatusok ug ipakita gyud sa publiko aron dili mabalaka ang kadaghanan. Siya ang model.

Pero morag miatras man ang Presidente kay magpaulahi naman hinuon siya. Usa sa makapadani sa personalidad sa Presidente mao ang kaugdang ug kapintok sa mga pulong nga manggawas sa iyang baba. Sama pananglit sa iyang pag-ingon nga labanan ug dapigan niya sa tanang higayon ang iyang mga pulis ug mga sundawo. O pamatyon ang tanang nahilambigit sa illegal nga drugas. O ang pagpasalig nga siya maoy mouna sa pagpatusok sa bakuna gikan sa China aron mapapha ang kahadlok ug kabalaka sa bakuna pang-alkontra sa Covid 19.

Kini ug ubang mga pamahayag sa Presidente namemorya na gani sa kadaghanan kay kanunay niyang balik-balikon. Ug labaw sa tanan, namemorya na nato ang daghang mga ugdang ug pintok nga mga pasalig sa Presidente nga sayon ra usab niyang bakwion nga way rason.

Sama sa ugdang niyang pasalig nga siya maoy mouna sa pagpatusok. Karon iya na usab nga giusab kay niingon nga siya na lang ang pagpaulahi kon dunay sobra. Unsa man ning iyaha pagsakrispisyo o mikakak siya kay sama sa uban wala usab siyay klaro kay nahadlok?Hangtod kanus-a kaha kutob kining iyang atras-abante nga baruganan? (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!