SUPERBALITA CEBU

PB mihangyo ngadto sa SSS: umento iuktaba

GIUYONAN sa mga sakop sa Provincial Board (PB) ang resolusyon ni Bokal Glenn Anthony Soco nga naghangyo sa Social Security System (SSS) alang sa paghatag og lugway o pagsuspenso sa gikatakda nga usbaw sa monthly conribution tungod sa pandemiya sa Covid-19 nga nimugna og halapad na krisis.

Ang resolusyon giuyonan sa PB atol sa sisyon sa Hunta, Enero 18, 2021.

Subay sa gipahibaw sa buhatan, ipatuman ang one percent point hangtod sa 13 percent increase sa contribution matag buwan.

Si Soco nagkanayon nga maayo ang maong plano apan kon susihon ang kasamtangan nga kahimtang, daghan ang mga negosyo nga nalugi ug nanirado hinungdan sa pagkataktak sa trabaho sa mga empleyado.

Gawas pa niini, wala usa’y gipatuman nga usbaw sa suholan sa mga empleyado ug gilantaw nga mahimo kining gibug-aton sa mga Sugboanon ning panahon sa krisis.

Tipik sa resolusyon nagkanayon nga “The pandemic did not only pull down the economy, it also pushed joblessness up to its historic peak of 10%. Aside from that, there was no salary-increase adjustment in 2020. Evidently, the increase in member contribution is an added burden to workers.”

Dugang sa resolusyon, “an earnest call and plea to postpone its implementation is in order. To increase contributions from members when the country is experiencing financial distress is not only bad timing, it can be considered oppresive.”

Nanghinaot si Soco nga madungog sa buhatan ang hangyo sa Lalawigan sa Sugbo susama sa kasamtangan nga pag suspenso una sa pagpatuman sa usbaw sa kontribusyon sa PhilHealth

“Should have been the same for Phil health. It’s good that the President announced for the deferment of increase for Philhealth. The SSS increase would be burdensome to the employees and employers as welll especially at these times of pandemic,” matod ni Soco sa Enero 18 ngadto sa mga tigbalita sa Kapitolyo. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!