SUPERBALITA CEBU

Pagtaud sa modernong traffic lights dul-ana na sa 50%

ANAA na sa 47 porsyento nga nahuman ang installation sa traffic signal lanterns kun traffic lights nga adunay timer sa 18 ka managsangang mga dalan sa Dakbayan sa Sugbo isip tipik sa first phase sa traffic system modernization program sa administrasyon ni Mayor Edgardo Labella.

Kini ang gibutyag ni Lentoni Sable, pangulo sa Cebu City Transportation Office (CCTO), kinsa nag-monitor sa implementasyon sa P238 milyones nga traffic light system modernization kauban ang Department of Engineering and Public Works (DEPW).

Si Sable nagkanayon nga 100 porsyento na nga na-trace ang wiring sa karaang traffic lights, 100 porsyento usab nga naistalar ang mast arm footing, 80 porsyento ang pag-install sa mast arm post ug 90 porsyento na usab ang pagtaod sa pedestrian lantern.

Ang officer-in-charge sa DEPW nga si Lowell Corminal nipasabot nga ang arm mast footing mao ang pundasyon sa barogan sa arm post nga maoy kab-itan o butangan sa traffic lights.

Ang P238 milyones nga pundo gikan sa Siyudad, gawas sa traffic lights ug timer, butangan usab og modernong kamera ug underground fiber optic network isip preparasyon sa pagkonektar na unya sa umaabot nga command center. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph