SUPERBALITA CEBU

Pogoy mosulod sa gilas bubble

Nahilakip ang Sugboanong si Roger Pogoy sa laing tulo ka mga magduduwa sa Philippine Basketball Association (PBA) nga moapil sa Gilas Pilipinas training pool sulod sa Calamba bubble sa Inspire Sports Academy sa Laguna.

Dungan ni Pogoy nga mosulod sa bubble training mao ang iyang teammate nga si Troy Rosario ug Raul Soyud sa NLEX Road Warriors.

Nagkanayon si Gilas team manager Gabby Cui nga ang nangahisgutan mosulod sa bubble training karong Biyernes, Enero 22, 2021.

Ang Gilas Pilipinas hugot na nga nangandam alang sa ikatulo ug katapusang tipik sa FIBA Asia Cup qualifiers nga i-host sa Pilipinas sa sunod buwan sa Clark Freeport Zone.

“We’ve undergone PCR testing earlier as one of the pre-requisites in entering the bubble,” pasabot ni Cui.

Matod ni Cui nga adunay laing duha ka mga magduduwa sa PBA ang posibleng modungan sa nangahisgutan sa pagsulod sa bubble training apan dili pa niya ikabutyag ang mga pangalan niini.

Si Soyud maoy labing bag-ong magduduwa nga gihuwaman sa Samahang Basketbol ng Pilipinas (SBP).

Nakuha ni Soyud ang atensyon sa SBP gumikan sa iyang maayong gipakitang duwa sa miaging season diin nahimo siyang usa sa labing sinaligan sa Road Warriors.

Nag-average siya og 10 puntos ug 6.8 rebounds ug nahimong usa sa labing lig-ong kandidato alang sa Most Improved Player award.

Ning bag-uhay lang, gipapirma siya sa Road Warriors og bag-ong duha ka mga tuig nga kontrata. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph