PADAYON ang gihimong imbestigasyon sa kapulisan sa Bunawan Police Station sa pagpusil sa usa ka truck driver pasado alas 8 kagahapon sa buntag sa national highway sa Barangay Ilang Bunawan District, Davao City.
Sa impormasyon gikan sa station commander nga si Police Major Noel Villahermosa, usa ka Cirilo Baseliote Pacquiao, 29 anyos, ang biktima.
Nasayran nga nagmaneho sa iyang trak ang biktima dihang pagsulod na unta niini sa gate sa Holcim, sa highway pa lang dunay duha ka wa mailhing mga suspetsado ang mipusil sa biktima.
Daling gidala sa ospital ang biktima samtang kapulisan padayong nag-imbestiga sa hitabo. (Jeepy P. Compio)