MOIHAP sa 33 ka myembro sa Communist Terrorist Group ubos sa Pulang Bagani Battalion ang misurender ug miabot sa Davao City Police Camp Captain Domingo E. Leonor sa San Pedro St. Davao City, alas 9:30 sa gabii, Dominggo, Enero 17, 2021.
Sa report sa Davao City Police Office (DCPO), nasayran nga ang pagtahan sa mga nahisgutan pinaagi sa pagpanguna sa usa ka Aida Sisa kanhi leader sa Sangay ng Partido sa Lokalidad sa Sitio Turoyan Barangay Tamugan, Marilog District, Davao City.
Nasayran sab nga ang malampusong pagtahan sa 33 ka kanhi rebelde bunga kini sa kampanyang Revitalized Pulis sa Barangay agi'g suporta sa kampanya sa Executive Order 70 kun Institutionalizing The Whole-Of-Nation Approach In Attaining Inclusive And Sustainable Peace, Creating A National Task Force To End Local Communist Armed Conflict, And Directing The Adoption Of A National Peace Framework.
Giproseso sa awtoridad ang opisyal nga pagtahan sa mga nahisgutan aron makapahimulos sa programa sa gobyerno ubos sa Enhanced Comprehensive Local Integration Program. (Jeepy P. Compio)