SUPERBALITA CEBU

Lonzon: Labella mokanaog sa pwesto?

Mata sa agila

Binuang ang mikatap nga istorya sa pagkanaog sa katungdanan ni Cebu City Mayor Edgardo Labella.

Ngano gud intawon nga biyaan ni Labella nga maayo man ang pagkadumala sa siyudad.

Duda ko ang nagpalakaw ani nga istorya ang mga tawo sa kanhi mayor. Apil na niini ang pipila ka mga tawo nga naa sa City Hall.

Kahimsog ni Labella ug anaa makita sa iyang opisina sa City Hall. Wa man intawon maglubog sa ilang panimalay basi sa nadawat nga report sa Agila.

Bisan og giunsa nako pagbalanse ang maong report, akong nakita nga klaro nga pagtunglo ang ilang gihimo ngadto sa mayor.

Matod pa, gipaubos sa chemotherapy ang mayor ug dili na kuno magdugay.

Sila naman hinuon ang nahibawo kon kanus-a kutob ang kinbauhi sa tawo. Lupig paman nila ang Ginoo nga maoy nahibawo sa tanan.

Paabot ug pangandam na lang mo sa Mayo 2022 presidential election.

BOLJOON

Gipahibawo ni Boljoon Cebu Mayor Merlou Derama ang ilang lungsod gibisita sa imahen sa Sto Niño.

Si Derama nga nahinabi sa Agila namahayag nga busy siya sud sa tulo ka mga adlaw tungod sa pagbisita sa Batang Jesus.

Ilang gipahigayon ang mobile prosisyon pinasubay sa standard health protocol. Ang imahen nagikan mismo sa simbahan sa Basilica Sto Niño sa Cebu City.

Gipahibawo usab ni Derama ang katawhan sa Boljoon sa dili pagkompiyansa sa sakit sa CovidD-19 ilabi na dunay bag-ong Covid variant karon.

5K BILL

Gitagaan og importansya sa Bangkok Sentral ng Pilipinas (BSP) si Lapulapu City Mayor Junard Chan.

Si Chan maoy special nga dinapit sa BSP sa paglusad sa P5,000nga commemorative banknote ni Lapulapu nga usa ka bayani. Email: efrenlonzon71@gmail.com Text: 09235562777


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!