SUPERBALITA CEBU

Editoryal: Kinabuhi nausik

Editorial Cartoon by John Gilbert Manantan

Wala kita masayod kanus-a kita mobalik sa sabakan sa Magbubuhat. Apan ang klaro nga matag kamatayon dunay sirkumtansiya nga naghatag kanato og pagtulun-an. Usahay makaingon kita nga dili pa angay o usik ang sayong pagpanaw tungod lang sa yanong pagpabaya.

Sama sa panghitabo sa partial nga pakasunog ang usa ka karaang edipisyo nga gihimong boarding house sa dalan Junquera, Barangay San Antonio, Dakbayan sa Sugbo niadtong Sabado sa hapon, Enero 16, bespiras sa kapistahan ni Señor Sto. Niño, nikutlo kini og usa ka kinabuhi.

Namatay ang usa ka 25-anyos nga tinun-an sa abogasiya sa usa ka uniberisad sa Dakbayan sa Sugbo nga si Floilan Claudje Daarol, anak sa inilang banay sa lungsod sa Polanco, Zamboanga del Norte. Nahanaw ang iyang damgo nga mahimong manlalaban. Nausik ang paningkamot sa mga ginikanan aron makalampos unta kini sa pagtuon.

Samtang, ang arson investigation division sa Cebu City Fire Department (CCFD) nagkanayon nga ilang pasiunang nakita nga posibleng kuryente ang hinungdan sa sunog sa tulo-ka-andanang edipisyo nga ginama sa light materials.

Apan nitiyabaw ang mga ginikanan sa batan-ong tinun-an ug nialegar nga way fire exit ug kahimanan sa emerhensiya sama sa sunog. Gusto nila nga palapdan ang imbestigasyon aron dili na kini mahitabo ubang tinun-an nga nagpuyo sa mga boarding house sa dakbayan.

Kini ang pagtulun-an sa kamatayong Daarol. Basin baya og wala na makatutok ang hingtungdang ahensiya sa kagamhanan sa regular nga pagsusi sa boarding houses. Nalinga kaha tungod sa pagtutok sa pakigbatok sa pandemiya sa Covid-19? Panawagan sa Office of the Building Official (OBO) sa dakbayan ug mga opisyal sa CCFD.

Hinaut nga wa nay mausik pang kinabuhi.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!