FRED NUNEZ CANETE
Alegria, Cordova, Cebu
Gabii na.
Matulog na usab ako.
Unya pangitaon ko ikaw
Sa akong mga damgo.
Sumbongan ko ikaw
Sa akong mga kamingaw
---sa akong kasub-anan
Dihang ako imong gitalikdan
(Nga wa nimo binli bisag sakit
Nga panamilit.)
Gabii na.
Unta dili na mobuntag
Nga mag-ihap lag mga samad
Ning dughan, mamukaw
Og kamatuoran
Nga dili na moabot ang ugma
Nga kita subli pang magkita!