Duha ka mga durugista ang nadakpan ug nasakmitan og gidiling drugas nga moabot og dul-an sa P500,000 sa duha ka managlahinganti drug operations.
Si Police Captain Edgar Labe, hepe sa Waterfront Police Station 3, ang nangulo sa gihimong buy-bust sa Sityo San Vicente sa Barangay Tinago, Siyudad sa Sugbo.
Kuyog ni Labe ang iyang mga operatiba ug ilang nasikop si si Val Pitogo Ngoho, 33, ug molopyo sa Sitio Nava, Barangay Mambaling.
Atol sa anti-illegal drug operation sa Waterfront Police Station, nasakmit kaniya nga mga shabu ang mobalor ngadto na sa P476,000.
Samtang, usa ka dalaga nakuhaag binultong drugas sa buy-bust alas 4:20 sa kaadlawon, Enero 20, 2021 sa Sitio Laguna, Brgy. Cogon Pardo, Cebu City.
Si Jade dela Peña Mangitngit, 23, dalaga, nagpuyo sa dapit, nadakpan sa mga operatiba sa City Intelligence Unit.
Si Mangitngit nakuhaan og 45 gramos nga mobalor sa P306,000.
Ang duha gikatakdang pasakaan og tukmang kaso. (GPL)