Labella duna lay ear infection

Cebu City Mayor Edgardo Labella. (File photo)
Cebu City Mayor Edgardo Labella. (File photo)

Wa ma-comatose, kon di duna lay infection sa dunggan si Cebu City Mayor Edgardo Labella hinungdan nga siya nag-leave og pipila ka mga adlaw.

Mao kini ang katin-awan ug tubag ni City Administrator Floro Casas Jr., sa mikatap mga hungihong nga nag-coma si Labella sud sa usa ka pribadong tambalanan.

Si Casas niingon nga nipahuway si Labella base sa rekomendasyon sa doktor aron dali maayo ang iyang gihambin nga balatian.

Si Bise Mayor Michael Rama ang mahimong acting mayor hangtod mapupos ang tulo ka adlaw nga leave sa mayor.

Si Labella, sa iyang post, niingon nga nakahukom siya sa pag leave og tulo ka adlaw sugod sa Miyerkules, Enero 20, 2021.

“After a consultation with my doctor, I was told I have ear infection. I am undergoing treatment and had been advised to take time to rest. I am heeding the medical advice and will be on leave for three days starting today (Enero 20). My friend Vice Mayor Mike will be taking over executive functions at City Hall. Until then, pag behave mo ha,” matod sa Facebook post sa mayor.

Ang infection sa dunggan ni Labella nadiskobrehan human siya nagpahiling sa doctor sa usa ka outpatient department (OPD) sa pribadong tambalanan niadtong Enero 15.

Si Casas nagkanayon nga di tinuod nga na-coma si Labella ug ang maong ‘fake news’ iyang gihulagway nga gikan sa ilang kaatbang sa pulitika.

“Si Mayor wala na-coma. Naa lang siyay ear infection and gi-check to siya Friday unya na apply-an na siya og medication,” padayag ni Casas.

Gisaysay ni Casas nga giinterbyu pa si Labella ni broadcaster ug Superbalita Cebu columnist Bobby Nalzaro sa sibyaanang dySS may labot sa update sa kahimtang sa iyang panglawas.

“Nag estorya man mi everyday. Okay ra man ug maayo ra si Mayor. It is not a cause of worry. Ang binuang bitaw ganina sa interview niya ni Bobby Nalzaro, niana si Mayor nga na-infection ang iyang dunggan tungod sa kadaghan sa fake news nga na- coma siya,” dugang ni Casas.

Matod sa city administrator nga girekomendar sa doktor nga ipa-admit siya sa tambalanan para dili mograbe ang epekto sa infection sa iyang dunggan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph