SUPERBALITA CEBU

Barrita: Transparency sa bakuna batok sa Covid-19

Tipik sa balaod

ADUNAY maayong balita. Ang nasudnong gobyerno magsugod na karong hinunga-tunga sa Pebrero sa pagbakuna batok sa Covid-19 sa mga medical frontliners, senior citizens ug mga kabus dinhi sa Syudad sa Sugbo, sumala pa ni Secretary Martin Andanar sa Presidential Communications Operations Office (PCOO).

Sa iyang pagbisita sa Sugbo niadtong Martes, Enero 19, alang sa #ExplainExplainExplain campaign sa PCOO, si Secretary Andanar niingon nga ang national government strategy mao nga unahon ang mga dagkong syudad nga daghan ang natakdan sa Covid-19 sama sa Metro Manila, Metro Cebu, Metro Davao ug Cagayan de Oro.

Target sa gobyerno nasyonal, matod niya, mga mabakunahan ang labing menos duha ka milyon ka mga Pilipino sa buwan sa Abril uban sa pakigtambayayong sa mga local government units (LGUs). Wa niya nganli ang brand sa bakuna apan iyang gipasalig nga way brand o nasod nga gipaboran ang gobyerno sa pagpalit og bakuna.

Ang gobyerno, matod pa ni Andanar nakaseguro na og labing menos 130 ka milyon ka doses gikan sa mga pharmaceutical companies ug mga nasod nga naka-develop og bakuna batok sa Covid-19. Mahimo pa kining mosaka ngadto sa 172 ka milyon ka doses.

Wa ibutyag sa gobyerno ang balor sa mga bakuna batok sa Covid-19. Sagad sa mga kompaniya nga nakamugna og bakuna batok sa Covid-19 mipapirma og non-disclosure agreement (NDA) sa mga nasod ug grupo nga mopalit sa ilang bakuna isip usa ka industry practice.

Apan ang Integrated Bar of the Philippines (IBP), sa usa ka pamahayag niadtong Lunes, niingon nga adunay “compelling legal basis” aron ihatag ang hangyo sa katawhan nga ipublikar ang presyo sa bakuna batok sa Covid-19.

“Transparency is helpful in establishing facts, dispelling doubts and suspicions, countering propaganda, minimizing political posturing, curbing corruption, promoting accountability, nurturing cooperation, and in enhancing trust in our country’s governance,” nagkanayon si Domingo Cayosa, IBP national president.

Iyang gitumbok ang Section 28, Article II, 1987 Constitution nga nagkanayon, “Subject to reasonable conditions prescribed by law, the State adopts and implements a policy of full public disclosure of all its transactions involving public interest.”

Gitumbok usab niya ang Section 7, Article III, 1987 Constitution nga nagkanayon, “The right of the people to information on matters of public concern shall be recognized. Access to official records, and to documents and papers pertaining to official acts, transactions, or decisions, as well as to government research data used as basis for policy development, shall be afforded the citizen, subject to such limitations as may be provided by law.”

Lain niyang gitumbok mao ang Executive Order No. 2 nga gipirmahan ni Presidente Rodrigo Duterte niadtong Hulyo 23, 2016 nga nagkanayon, “There shall be a legal presumption in favor of access to information, public records and official records.” - edbarrita@gmail.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph