SUPERBALITA CEBU

Wa ka-round 2, patay sa sex

NAANDAN na unta sa 59-anyos nga bank manager ug sa iyang 24 anyos nga uyab nga dalaga ang mag sex og kaduha o katulo ka hugna.

Apan niadtong Miyerkules sa hapon, Enero 20, 2021, wa na siya makalahos sa second round human atakeha sa kasingkasing human sa unang hugna ug namatay.

Sila si Ben (di tinuod niyang ngan), taga Barangay Yati, Liloan, Sugbo ug si Maxine, taga Barangay Canamucan, Compostela, nang-check-in sa usa ka resort sa Barangay Poblacion, Compostela mga alas 5 sa hapon sa mao nga adlaw.

Si Police Major Vincent Zozobrado, hepe sa Compostela Police Station nga nahinabi sa Superbalita Cebu, nagkanayon nga si Maxine nibutyag nga nahuman na sila sa unang round sa ilang kombate sa kama.

Samtang sila nag-sex, nagsige na og ubo si Ben, apan wa niya panumbalinga.

Human sa unang hugna, nagpamasahe una kini kaniya kay lapoy usab siya gikan sa trabaho.

Gawas pa, agresibo kaayo si Ben sa unang hugna.

Ang 24 anyos mibutyag sa kapulisan nga nagsugod na unta sila sa ikaduhang round dihang naglisod og ginhawa si Ben.

“Ana ang babaye nga mi-relax una sila human nilag sex para makabuylo. Unya dihang nagsugod silag balik mitira ni (Ben), misakit daw iyang dughan, diretso kirig,” dugang ni Zozobrado.

Matod ni Zozobrado nga bisan giubo, sulti ni Maxine, maayo ra kini sa ilang sex hinungdan nga siya nakalitan.

Human niini, nanawag si Maxine sa mga sa staff resort nga daling nakatawag sa ambulansya sa lungsod.

Gidala si Ben sa Cebu Provincial Hospital, apan patay nang niabot, matod sa mga doktor.

Nahibaw-an nila ni Zozobrado nga si Ben nag-antos na sa sakit sa kasingkasing.

Si Zozobrado niingon nga nisulti kanila si Maxine nga naandan na nila sa ilang tulo ka tuig nga relasyon nga mag sex duha ngadto makatulo ka hugna matag kita.

Patunghaon unta ang dalaga sa lalake, apan wa siya modawat sa tanyag.

Tungod niini, pagahatagan siya ni Ben og P2,000 matag semana.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph