Talk to Papa Joe: Hold on lang

Dear Papa Joe,

Itago lang ko sa ngalan nga GC, Papa Joe. Akong problema diay kay kabahin sa trabaho. Usa ko ka PWD, graduate og two years sa computer programming.

Last February to October 2020, nakatrabaho ko, Papa Joe bilang encoder. But sa paghuman na ato, wala na ko ka work. Dili man gud ko ganahan mag standby, Papa Joe, kay feeling nako wala koy pulos. Ug di sad ko ganahan magsalig, labi na gyud kay nag boarding house ko diri sa Cebu City. Ni-try ko og pangita but wala pa gihapon ko kakita og work.

Usahay makaingon ko sa Ginuo nga mas maayo na lang Lord nga imo na lang ko kuhaon kay sa magtambay ug magsalig sa akong ginikanan. Unsa may akong buhaton ani?

GC

GC,

Ayaw ing anaa pagpangutana ang Ginuo, Dong. Timan-i dili lang ikaw nag antos ron. Nawad-an man gani og trabaho ang kompleto pa og lawas kay naa ta sa pagsuway karon. Huna-hunaa samtang buhi pa, daghang mga grasya moabot in God’s time. Mao ayaw hagita ang Ginuo.

Mas maayo pa mag-ampo ka nga lamdagan ka unsay rason o purpose ning kalibutan. Di kay magbasol ka nganong ing ana ka. Timan-i kon magpaka lig-on ka, mahimo kang inspirasyon sa uban nga pwede o tarong nga may kahayag ang kinabuhi ug di mag selfish kay gikumpara nimo imong kaugalingon sa uban. Sayon isulti, apan lisud para nimo. Pero ang gahum sa Ginuo labaw sa tanan mao nga hold on lang.

PAPA JOE

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph