60 ang aktibong kaso sa Covid-19 sa siyudad sa Talisay

Siyam ka mga tawo ang nadugang sa listahan sa Dakbayan sa Talisay nga nagpositibo sa coronavirus disease 2019 (Covid-19) subay sa talaan sa Enero 19.

Kini naghatod ngadto sa 60 ka mga tawo nga positibo sa Covid-19 sa dakbayan.

Sa talaan sa Talisay City Public Information Center, dunay tulo ka mga barangay sa siyudad nga daghang kaso sa maong virus. Nag-una ang Barangay Lawaan 1, gisundan kini sa Dumlog ug San Isidro.

Ang dakbayan duna 1,013 ka mga kaso sukad sa pagbuto sa pandemiya ug 950 ang naayo samtang 103 ang namatay.

Nikunhod na unta kini apan nisaka karon ngadto sa 60 ka mga tawo. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph