SUPERBALITA CEBU

Inawayan ni Conor tun-an ni Pacquiao

ESTUDYOHAN ni Filipino boxing icon Manny Pacquiao ang estilo ni Irish Conor McGregor pinaagi sa pagtan-aw sa nagkaduol nga away sa mixed martial arts (MMA) superstar.

Mao kini ang gipadayag sa special assistant ni Senator Pacquiao nga si Jayke Joson.

Si McGregor nakatakdang makig-away og balik kang Dustin Poirier sa laing edisyon sa UFC promotion sa Yas Island sa Abu Dhabi ugma (RP time).

Human ning awaya, gilauman nga mahan-ay na ang panagsangka nila ni Pacquiao ug McGregor ibabaw sa boxing ring.

Matod pa, seguradong madayon ang Pacquiao-McGregor fight gumikan kay parehong interesado ang duha ka fighters nga mag-away.

“The moment Senator MP signed up with the Paradigm Sports Management since early last year,” matod pa ni Joson kabahin sa posibilidad sa Pacquiao-McGregor fight nga napatik sa www.philboxing.com.

“Part of their talks is to set up their duel and it is really a no-brainer that they will fight.”

Dili pa lang dugay, si McGregor nibutyag nga masaligon siyang madayon ang ilang away ni Pacquiao karong tuiga.

Ang business manager ni Pacquiao nga si Arnold Vegafria ug Paradigm president Audie Attar nagsabot na’g sugod kabahin sa away sa miagi pang tuig.

Matod ni Vegafria, nga naghuwat na lang si Pacquiao nga mahuman ang away nila ni McGregor ug Poirier una mangusog paghimo og lakang aron mahan-ay na ang ilang away ni McGregor.

“After January 23, that’s the time we can finalize everything,” asoy ni Vegafria.

Taliwala sa pangidaron ni Pacquiao nga 42, daghan gihapong mga boksidor ang nagtinguhang makig-away kaniya aron mailog ang iyang truno sa kalibutan sa boksing.

Apan ning puntoha, si McGregor maoy nag-una sa listahan sa bugtong 8-division world champion.

Hinuon giklaro ni Joson nga posibleng mausab kini kon mapilde si McGregor ni Poirier sa ilang panagsangka og balik.

Sa premiro nilang panagsangka pipila na ka mga tuig ang nakalabay, yanong mirehistro si McGregor og 1st round technical knockout.

Hinuon ning higayuna, masaligon si Poirier nga makapanimalos. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph