SUPERBALITA CEBU

Super Suroy: The Mark: luxury resort nga gipabarato

TALIWALA sa krisis nga atong giantos resulta sa hulga sa coronavirus disease, ato sab hatagan og higayon ang atong kaugalingon uban sa atong mahal sa kinabuhi o higala nga maka-relax gikan sa stress sa pagpanarbaho ignon man sa mga suliran diha sa tagsa-tagsa ka mga balay.

Atong hinumduman ang expression nga: “Take a break,” pasabot nga mohunong ta sa makadiyot gikan sa atong naandang gimbuhaon ug “let’s enjoy life to the fullest.”

Paagi sab kini sa pag-recharge sa atong tagsa-tagsa sa mga kaugalingon.

Akong suggestion nga usa sa paagi aron atong ma-enjoy ang atong adlaw mao ang pagduaw sa The Mark Resort nga nahimutang sa Barangay Punta Engaño, Dakbayan sa Lapu-Lapu.

“All-inclusive resort in Mactan, Cebu where you can enjoy vacation and relaxation with the top quality facilities and services.

“The facilities and services include yacht cruise, water sports, professional scuba diving swimming pool,” natala sa official Facebook page sa The Mark Resort.

Gumikan sa pandemic giusab sa management ang ilang polisiya sa dihang ilang gibuksan ang ilang resort ngadto sa mga local tourist.

Aron nga padayong mabuhi ang resort nga apektado sa lockdown diin foreign tourist ang gidid-an pa nga makasud sa nasud.

Tungod niini gipakunhoran ang rates sa ilang room, facilities, restaurant lakip na ang yacht sailing o cruise sa Hilutongan channel.

Luyo sa katukoran

Si Henry Jeong, chief executive officer sa maong resort, miasoy sa kasaysayan sa katukoran sa The Mark. Taod-taod na kini sa scuba diving business sa Lapu-Lapu City ug nakita niya ang paglambo sa maong negosyo ug nakahuna-huna nga motukod og resort.

Enero 2019 gibuksan ang The Mark sa mga foreign tourist ilabi na niadtong mga diving enthusiast.

“Actually, this is my dream 10 years ago I rent this area. I want this kind of swimming pool because most of the scuba divers when they do their exercise no swimming pool.

“Most of them directly go to sea. This pool can be seen inside that’s why we can check the swimmers,” matod ni Jeong sa dihang nahinabi ning tigsuwat.

Ang pangalang The Mark gibase sa The Mark Resort didto sa nasud sa South Korea nga gipanag-iya sa higala ni Jeong ug mi-franchise alang sa Lapu-Lapu.

Amenities, facilities

Sa mga first timer sa imong pagsud gikan sa walk way mosugat sa imong panan-aw ang colonial architectural design sa building nga pinintalan og puti.

Kasamtangan adunay 15 room accommodation ang The Mark gilangkuban sa deluxe, suite ug family rooms ug padayon pa ang construction sa phase 2 sa accommodations.

Garbo nga gipahibawo ni Jeong ang infinity ug aquarium type nga swimming pool nga gibahin sa 4 feet ug 13 feet nga gilawmon.

Ang lawom nga bahin gituyo alang niadtong divers nga magbansay-bansay sa scuba diving sa dili pa moadto sa lawod.

Adunay duha ka restaurant nga kapilian sa mga guest ang Cabana nga nahimutang sa second floor nga seaview dinhi matilawan ang American, Korean ug Filipino cuisine.

Siguradong restaurant quality nga panlasa ug plating sa i-serve nga dish.

“Our restaurant is Asian fusion. Before coronavirus our focused guest are tourist almost 90 percent are Koreans and 10 percent other tourist and Filipinos.

“But now we change our focus to local guest because of the pandemic,” pamahayag ni MJ Choi nga maoy nagdumala sa Cabana nga nagtanyag sab og lami-ang drinks sama cocktail, juice ug shakes.

Ikaduhang restaurant mao ang Waikiki haom niadtong gustong mag-dinner inig dayong sawop sa adlaw diha sa beach area.

Cruisin

Ang “cherry on top” sa inyong kalingawan sa The Mark mao ang yacht sailing nga nagtanyag og sunset cruise o dining experience samtang sakay sa yate.

Lahi ang bayad niini, sa karon nga buwan sa Enero adunay promo nga tag-P2,500 sa duha ka tawo ug P250 consumable sa food ug drinks.

Sa higayon nga moabot ngadto sa 30 ka tawo ang sakay sa maong yate nga molawig kini sud sa usa ka oras sa Hilutongan channel.

Sa nagkaduol nga Valentine’s Day aduna giandam ang resort alang sa niadtong magsaulog sa maong okasyon, adunay live band inyong masaksihan gikan sa 6:00 pm ngadto na sa 9:00 pm siguradong dili mo magmahay sa inyong romantic getaway.

Alang sa dugang inpormasyon mamahimong moduaw sa Facebook page sa The Mark Resort o tawag sa ilang office number nga +63 32 511 1093.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph