PATAY ang usa ka gituohang drug pusher human misukol sa kapulisan sa Toril Police Station atol sa buy-bust operation alas 12 sa udto, Huwebes, Enero 21, 2021, didto sa Barangay Camansi, Toril, Davao City.
Giila ni Police Major Michael Uyanguren, hepe sa Toril police, ang suspek nga si Junnyfel Natad, alyas Jun, 38 anyos, drayber sa meat van ug molupyo sa dapit.
Nasayran nga mibunlot dayon og pusil ang suspek dihang nakatimaho kini nga mga pulis iyang ka-transaksiyon.
Nakuha gikan sa posisyon sa suspek ang .38 revolver ug mga pakite sa gituohang druga nga may street value nga P5,000.
Nadala pa ang suspek sa Mediquest Hospital, apan gideklara kining dead on arrival. (Jeepy P. Compio)