SUPERBALITA CEBU

Namungot si Lebron?

NALUPIG si Los Angeles Lakers superstar LeBron James ni Milwaukee Bucks superstar Giannis Antetokounmpo sa inilugay sa MVP title sa miaging bubble season sa National Basketball Association (NBA) apan sa ilang panagharong og balik, gipakita ni James kon kinsa ang hari sa basketball.

Ang gitawag og King James nagpakatap og iyang kaugalingong season-high 34 puntos aron agakon ang Lakers ngadto sa kadaugan batok sa hosts Bucks, 113-106, kagahapon sa NBA 2020-21 season.

Human sa duwa, gipangutana si James kon nakadugang ba og kadasig kaniya ang iyang pagkapildi sa inilugay sa MVP sa miaging season ug gusto niyang ipamatuod nga siya ang angayang mahimong MVP ug dili si Antetokounmpo.

Si James, kinsa usa ka 4-time MVP, mipasabot nga sukad masukad, wala siya maghunahuna sa individual award ug gusto lang niyang maagak ang iyang puwersa sa kalampusan.

"It's never been about individual (honors)," pasabot ni James sa interbyu sa AP News.

"It's all about the team success. That's all that matters. ... I just want to play well and help our team versus any opponent. That's what it's all about."

Sa kadaugan, naangkon sa Lakers ang temporaryong overall leadership bitbit ang 12-4 nga rekord samtang ang Bucks midakin-as sa ikatulong dapit sa Eastern Conference dala ang 9-6 nga rekord.

Kini maoy labing unang panagharong sa duha ka mga kampo gikan sa awarding rites sa miaging season diin napilde sab ang laing sinaligan sa Lakers nga si Anthony Davis ni Antetokounmpo sa inilugay sa Defensive Player of the Year award.

Sama ni James, gipasabot ni Davis nga wala na siya maghunahuna sa miagi ug nagtutok na lang siya sa kasamtangan.

"That was last season, obviously. No one brought that up or talked about it. Our motivation was not losing two in a row tonight. We were able to get that accomplished," asoy ni Davis.

Ang Bucks gipangulohan ni Antetokounmpo pinaagi sa iyang 25 puntos, nidugang og 22 puntos si Jrue Holiday samtang nihatag og 20 puntos si Khris Middleton. (AP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph