KAWATAN nikuha sa dul-an tunga sa milyon ka pesos cash dihang gilungkab ang panel truck nga nag-park sa Barangay Poblacion, lungsod sa Barili, niadtong Miyerkules sa alas 11:00 sa gabii, Enero 20.
Ang ni-report sa kapulisan mao si Renante Casquijo Trasona, 42, minyo, salesman sa Napintas Distributors, residente sa dan Cabreros, Barangay Basak-San Nicolas, dakbayan sa Sugbo.
Ang kawatan nakita sa CCTV camera sa duol nga establisemento nga nagsakay og motorsiklo ug maoy niabli sa pultahan sa panel truck.
Nakuha ang P493,878 cash nga diha sa sling bag.
Ang salesman nibutyag nga didto sila natulog sa Barili, ug pagka sayo sa buntag nipauli sa San Fernando dihang nadiskitahan niya nga wala na ang kwarta. (GPL)